პოლიტიკა

ყოველთვის ცდილობდნენ ან ჩემი ან ზაზას პროვოკაციაზე წამოგებას - თემირლან მაჩალიკაშვილი

პანკისის ხეობაში სუს-ის სპეცოპერაციის შედეგად მოკლული თემირლან მაჩალიკაშვილის მამის, მალხაზ მაჩალიკაშვილის განცხადებით, სამართალდამცველები მისი და ზაზა სარალიძის პროვოკაციაზე წამოგებას ცდილობდნენ.

ზაზა სარალიძის დაკავების კომენტირებისას მაჩალიკაშვილმა განაცხადა, რომ აქციები რუსთაველის გამზირზე გაგრძელდება და ისინი ყველაფერს გააკეთებენ სარალიძის გასათავისუფლებლად.

„ეს გრძელდება პირველი დღიდან, 10 სექტემბრიდან, ყოველთვის ცდილობდნენ ან ჩემი ან ზაზას პროვოკაციაზე წამოგებას. ყოველდღე ხდებოდა, დღეში 2-3-ჯერაც ხდებოდა.

შეზღუდული გვქონდა ყველანაირი, ცოტათი მაინც, ადამიანურად გვეგრძნო, იმ პარლამენტის წინ ამ წვიმაში, ამ სიცივეში, რაღაც პალატკისმაგვარი, ან ცელოფანისმაგვარი შემოგვეკრა გარშემო, რომ არ დავსველებულიყავით, გვზღუდავდნენ. ყველაფერს გავაკეთებთ, რომ ზაზა იქნას გათავისუფლებული, აქციები გაგრძელდება, აქციები არ შეწყდება. აქციები თავისას გააკეთებს“, - განაცხადა მალხაზ მაჩალიკაშვილმა.

შსს-ის ინფორმაციით, ის პოლიციელებთან დაპირისპირების გამო დააკავეს. სარალიძე კარვის გაშლას ცდილობდა, რის საშაულებას პოლიცია არ აძლევდა. მას 4-დან 7 წლამდე პატიმრობა ემუქრება. სარალიძე პოლიციაში დაკითხვაზე გადაიყვანეს, მაგრამ ის შეუძლოდ გახადა, რის გამო მისი საავადმყოფოში გადაყვანა გახდა საჭირო.