პოლიტიკა

კონსტანტინე გამსახურდია: პრეზიდენტი საკონსტიტუციო კომისიის მუშაობაში მისი ჩართვის აზრს ვერ ხედავს

„ოპოზიციის განცხადება, რომ „რაც უნდა „ქართულ ოცნებას,“ მაინც გაიტანს, ჩემთვის გაუგებარია, – განაცხადა პრესკონფერენციაზე კონსტანტინე გამსახურდიამ.

იგი მიიჩნევს, რომ პრეზიდენტი საკონსტიტუციო კომისიასთან მუშაობაზე უარს იმიტომ აცხადებს, რომ მას არ შეუძლია რაიმე გავლენა იქონიოს კომისიის მუშაობაზე, თუმცა დასკვნების გაკეთებამდე ოპოზიციურმა პოლიტიკურმა პარტიებმა ჯერ „ქართულ ოცნებას“ უნდა მოუსმინონ.

„პრეზიდენტი უარს იმიტომ ამბობს, რომ იგი თანამშრომლობის აზრს ვერ ხედავს. იგი არის „ქართული ოცნების“ მიერ რეკომენდებული პრეზიდენტი, თუმცა მთავრობას და პრეზიდენტს შორის ისე დაიძაბა პოლიტიკური ურთიერთობა, რომ ალბათ მარგველაშვილი თანამშრომლობის აზრს ვერ ხედავს. ჩემთვის გაუგებარია ასევე ოპოზიციური პარტიების პოზიცია, როცა აცხადებენ, თითქოს „ქართული ოცნება“ მაინც ყველაფერს ისე გააკეთებს, როგორც თავად სურს. ამიტომ მე ვფიქრობ, რომ ჯერ უნდა ჩაება მუშაობაში და დასკვნები მერე გააკეთო,“ – განაცხადა კონსტანტინე გამსახურდიამ.