პოლიტიკა

კონსოლიდაციის დროა - კახა შარტავა

პარლამენტის ყოფილი თავმჯდომარის, დავით უსუფაშვილის მიერ ჩამოყალიბებული პოლიტიკური პარტიის „შენების მოძრაობის“ წევრის, კახა შარტავს განცხადებით, დადგა დრო, როდესაც სახელმწიფო სისტემის შესაცვლელად, საზოგადოების კონსოლიდაციაა საჭირო.

როგორც შარტავამ პარტიის პრეზენტაციის შემდეგ მედიას განუცხადა, ქვეყანაში ხელისუფლებები იცვლება, თუმცა სისტემა იგივე რჩება.

„ამა თუ იმ პარტიაში, სამოქალაქო სექტორსა და სხვა ორგანიზაციებში გაბნეული რესურსის მოკრების, შეთანხმების და შენების მასშტაბური პროცესის დაწყების გარეშე, ისევ იგივე სისტემურ პრობლემებთან გვექნება საქმე, რაც აქამდე გვქონდა.

თითქოს ვცვლით ხელისუფლებებს, სისტემა იგივე გვრჩება. ამ სისტემის ტრანსფორმაციას სჭირდება კონტრსისტემის აწყობა. კონტრსისტემის საფუძველი შეიძლება იყოს სამოქალაქო კონსოლიდაციის პროცესი, პარტნიორობა სახელმწიფოებრიობისათვის“, - განაცხადა კახა შარტავამ.

მონიკა დავლიანიძე