სამართალი

კომუნისტების დროს ხელშეუხებელი ადამიანების სია არსებობდა, ასევე არის დღეს საქართველოში - რომან გოცირიძე

ნაციონალური მოძრაობის წევრის, რონამ გოცირიძის განცხადებით, კომუნისტების დროს არსებობდა ხელშეუხებელი ადამიანების სია.

გოცორიძის თქმით, საქართველოში დღეს ანალოგიური ვითარებაა, როდესაც ყოფილი ჩინოვნიკები არაფორმალურ იმუნიტეტით სარგებლობენ.

ამის შესახებ გოცირიძემ მედიასთან, მთავარი აუდიტორის ლაშა თორდიას ცემის საქმეზე საუბრისას განაცხადა, რომელშიც ყოფილი მთავარი პროკურორი ოთარ ფარცხალაძე ფიგურირებს.

„კომუნისტების დროს იყო ნომენკლატურის ცნება, ხელშეუხებელი ადამიანების სია იყო, რომლებსაც რაც არ უნდა ჩაედინათ, ვერავინ დასჯიდა. ასევე არის დღეს, საქართველოში არსებობს ოფიციალური ნომენკლატურა, პლუს ყოფილი ჩინოვნიკები, რომლებიც სრული არაფორმალური იმუნიტეტით სარგებლობს. მათ ყველაფერი შეუძლიათ - ადამიანების ცემა, ქურდობა; მათ შეუძლიათ დაუსჯელად იგრძნონ თავი. სასამართლომდეც კი ვერ მივა ეს საქმე. ხოლო სასამართლო როგორ განსჯის, ყველამ კარგად ვიცით. საქართველოში დღეს დამოუკიდებელი სასამართლო არ არსებობს.

ეს საქმე დამოუკიდებელი კომისიის მიერ არის შესასწავლი. თუმცა, ამ პარლამენტის შემთხვევაში, იმედი არ გვაქვს, რომ უმრავლესობა კომისიას შექმნის. პირიქით, უმრავლესობის ხელშეწყობით ხდება ხელის დაფარება იმ დანაშაულებრივ ქმედებებზე, რასაც ამ ბოლო პერიოდში ვხედავთ“, -განაცხადა გოცირიძემ.

მონიკა დავლიანიძე