სამართალი

კომპანია `სვეტის` დირექტორი დაკავებულია

სამშენებლო კომპანია "სვეტის" დირექტორი, გივი ჯიბლაძე დაკავებულია.

ჯიბლაძის საცხოვრებელ სახლში საცხოვრებელ სახლში ფინანსური პოლიცია იმყოფებოდა, რის შემდეგაც ის უწყებაში გადაიყვანეს, სადაც მისი დაკითხვა მოხდება.

საქმე ეხება "სვეტის" კუთვნილი თანხების წარმომავლობას.

ჯიბლაძის სისხლის სამართლებრივი დევნა რამდენიმე თვეა, მიმდინარეობს. ჯიბლაძის დაკავებას წინ უძღვოდა გაზეთ „ქრონიკა პლუსში“ გამოქვეყნებული საგაზეთო სტატია.

ჟურნალისტმა ელისო კილაძე გამოაქვეყნა გივი ჯიბლაძის ხელნაწერი, სადაც ის თავად წერდა, ვის და რა ოდენობის ქრთამს აძლევდა ხელისუფლებიდან ბიზნესის მფარველობის სანაცვლოდ. ხელნაწერის მიხედვით, ერთ-ერთი ადრესატი და თანხის მიმღები იყო სუს-ის მოქმედი მაღალჩინოსანი, გრიგოლ ლილუაშვილი.

"გრიგოლ ლილუაშვილი, როდესაც იყო თბილისის ვიცე-მერი, მას ევალებოდა ნებართვების მოპოვება და „სვეტისთვის“ გარკვეული სასათბურე პირობების შექმნა და ამ სიტუაციაში ის იღებდა იმ წილს „სვეტიდან“, რაც იყო გაფორმებული სხვადასხვა პირზე. ჯიბლაძის განმარტებითვე, კალაძის მისვლის შემდეგ სიტუაცია შეიცვალა. იყო თუ არა ეს კალაძისა და ლილუაშვილის დაპირისპირება, დიახ, იყო. კალაძესა და ლილუაშვილს შორის დაპირისპირება ჯერ კიდევ მაშინ დაიწყო, როდესაც თბილისის მერიაში ვიცე-მერი იყო ლილუაშვილი და გაგარძელდა მას შემდეგაც, რაც ის გადავიდა სუს-ის უფროსის მოადგილედ,“- განაცხადა კილაძემ.