სამართალი

კომპანია „ბადაგონის“ მოქმედ და ყოფილ მფლობელებს შორის დავა გრძელდება

კომპანია „ბადაგონის“ ერთ-ერთი მეწილის, ვლადიმერ ჯანჯღავას ადვოკატებმა ჟურნალისტებს „გრაკორო ტრეიდინგ ლიმიტედის“ მიერ კომპანია „ბადაგონში“ განხორციელებული ინვესტიციების შესახებ დოკუმენტაცია წარუდგინეს.

ადვოკატები ამბობენ, რომ 2006 წლიდან 2011 წლამდე კომპანია „გრაკორომ“ და ვლადიმერ ჯანჯღავამ „ბადაგონში“ 20 მილიონ დოლარამდე ინვესტიცია ჩადეს. რაც შეეხება წილების გასხვისებას, მათი თქმით, ეს ჯანჯღავას კეთილი ნებით მოხდა.

დავა კომპანიის მოქმედ და ყოფილ მფლობელებს შორის მიმდინარეობს. ადვოკატების თქმით, „ბადაგონის“ მფლობელმა გიორგი სალაყაიამ ვლადიმერ ჯანჯღავას წილი უკანონოდ მიითვისა.

ადვოკატები იმ წილის დაბრუნებას ითხოვენ, რომელიც გიორგი სალაყაიაზე ფორმალურად იყო გაფორმებული.

ღვინის კომპანია „ბადაგონით“ გამოძიებაა დაინტერესებული.

ცირა გურგენიძე