პოლიტიკა

ყოჩაღ, რა სიტყვები უსწავლია - შემოვლითი რკინიგზა იყო კონტრპოდუქტიული და რეტროგრადული, პროგრესი სახეზეა - გიგი უგულავა ბახტაძეზე

„ევროპული საქართველოს“ ერთ-ერთი ლიდერი გიგი უგულავა გამოეხმაურა პრემიერ-მინისტრ მამუკა ბახტაძის განცხადებას, რომ „შემოვლითი რკინიგზის პროექტს ჰქონდა სერიოზული საინჟინრო ნაკლოვანებები“.

„ყოჩაღ, რა სიტყვები უსწავლია - შემოვლითი რკინიგზა იყო კონტრპოდუქტიული და რეტროგრადული. პროგრესი სახეზეა. ახლა სერიოზულად. 1.„ყველაზე მწვანე ტრანსპორტს“ ქალაქში გადააქვს ბაქოს ნავთობი. 2. რკინიგზის გარშემო თითქმის ყველა შენობა უიმედოდ ავარიულია. 3. სამგზავრო გადაზიდვებისთვის რჩება და მოდერნიზირდება დიდუბისა და ნავთლუღის რკინიგზის სადგურები, რომლებიც ინტეგრირებულები არიან მეტროს ქსელში. 4. თანხის 2/3 დახარჯულია და არგაგძელების შემთხვევაში წყალში იყრება. 5. თბილისი საცობებისგან განიტვირთება. 6. განვითარდება ქალაქის მარცხენა სანაპირო. სამშენებლო დაწოლა მოეხსნება მარჯვენა სანაპიროს. 7.ეს კაცი უვარგისი, მაგრამ ისევ რკინიგზის დირექტორია და არა პრემიერ-მინისტრი“, - დაწერა უგულავამ ფეისბუკის საკუთარ გვერდზე.