სამართალი

კობა გოტატიშვილი იური ვაზაგაშვილის მკვლელობის შესახებ ინფორმაციას მკვლელობამდე რამდენიმე დღით ადრე ფლობდა - ირაკლი ფირცხალავა

ე.წ კორტების საქმეზე მსჯავრდებული ირაკლი ფირცხალავა აცხადებს, რომ საქმის მთავარი მოწმე კობა გოგატიშვილმა იური ვაზაგაშვილის მკვლელობის შესახებ ინფორმაციას რამდენიმე დღით ადრე ფლობდა.

ამის შესახებ ფირცხალავამ რუსთავი2-ს სატელეფონო საუბრისას განუცხადა.

„გოგატიშვილი ახლაც რომ ზეწოლის ქვეშ იმყოფება, ნათლად გამოჩნდა მისი ე.წ. ბრიფინგიდან. მან არაფერი თქვა მთავარ საკითხზე, რაც მოუყვა სახალხო დამცველს. ჩემი ინფორმაციით, მან ისაუბრა იური ვაზაგაშვილის მკვლელობაზე, აღნიშნა, რომ მან რამდენიმე დღის წინ იცოდა, რომ მას მოკლავდნენ. აღნიშნული მან მოისმინა პროკურატურაში ყოფნისას მამუკა ვასაძის და მისი თანამშრომლების საუბრისას. ის ფაქტი, რომ იური ვაზაგაშვილი ხელისუფლებამ მოიშორა, მარტო გოგატიშვილს არ უთქვამს. ამაზე საუბრობდა ამერიკის წინა ელჩი, ჩემს კოლეგებთან პრივატულ საუბრებში. გამომდინარე აქედან, კობა გოგატიშვილი კორტების საქმის მთავარი მოწმე არ არის, ის ამ საქმეში ცრუ მოწმეა. ის ოქროს მოწმე იქნება ამ ხელისუფლების გასამართლებისას“,-აცხადებს ირაკლი ფირცხალავა.

მონიკა დავლიანიძე