საზოგადოება

კლინიკაში მყოფი კორონავირუსით ინფიცირებული 30 პაციენტიდან 4 პრობლემურია - მარინა ეზუგბაია

თბილისის ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, მათ კლინიკაში მყოფი კორონავირუსით ინფიცირებული 30 პაციენტიდან 4 პრობლემურია.

„ჩვენთან მყოფი 30 პაციენტიდან 4-ის მდგომარეობა პროგრესულად სერიოზულია, ანუ პრობლემური პაციენტები არიან. ეს პრობლემურობა გამოწვეულია ამ ოთხი პაციენტის ასაკობრივი ზღვარის გამო, ერთ-ერთ მათგანს მაღალი ასაკობრივი ხანდაზმულობით და პარალელურ რეჟიმში, თითოეულ პაციენტთან არის თანაარსებული მძიმე დაავადებები. ერთთან არის მძიმე ნევროლოგიური დაავადება, მეორესთან მძიმე ჰიპერტონიული დაავადება, შაქრიანი დიაბეტი და მძიმე პნევმონია.

ჯერჯერობით, არსებულ მკურნალობას გარკვეულწილად ექვემდებარებიან და ასეთი მზარდი პროგრესირება არ შეინიშნება. ვიმედოვნებთ, რომ ასე გაგრძელდება, თუმცა არ არის გამორიცხული, რომ მიუხედავად მკურნალობისა, შეიძლება დაავადების პროგრესირება გაგრძელდეს და პროგნოზი ყოველთვის არის შესაძლებელი, რომ არ იყოს კარგი”, - განაცხადა ეზუგბაიამ.