პოლიტიკა

ხვალისთვის იქნება ინიცირებული ცვლილებები მოსამართლეთა გამოსაცდელ ვადასთან დაკავშირებით - ეკა ბესელია

პარლამენტის იურიდიულ საკითხთა კომიტეტის თავმჯდომარის ეკა ბესელიას განცხადებით, ხვალ კომიტეტი განიხილავს საკანონმდებლო ცვლილებებს მოსამართლეთა გამოსაცდელ ვადასთან დაკავშირებით.

ბესელიას განმარტებით, ცვლილებების მომზადება საკონსტიტუციო სასამართლოს 15 თებერვლის გადაწყვეტილებას ეფუძნება, რომელზეც მუშაობა 1-ელ ივლისამდე უნდა დასრულდეს.

ბესელიას თქმით, შესაძლოა, სამწლიანი გამოსაცდელი ვადა ძირითადად იმ მოსამართლეებს მიეცემათ, ვისი საქმიანობის ობიექტური შეფასება შეუძლებელი იქნება.

„ამ ცვლილებებს ვამზადებთ და ალბათ, ხვალისთვის იქნება ინიცირებული ის ცვლილებები, რომელიც საკონსტიტუციო სასამართლოს გადაწყვეტილებას ეხება. გათვალისწინებულია, რომ ვისაც სამწლიანი სამოსამართლეო გამოცდილება აქვს და კომპეტენტურობის და კეთილსინდისიერების სტანდარტებს აკმაყოფილებს, იუსტიციის საბჭო დადგენილი პროცედურებით შეაფასებს და უვადო გამწესებაზე გადაწყვეტილებას შემდეგ მიიღებს. ვისი შეფასებაც შეუძლებელია, ობიექტური გარემოებების გამო, მათთვის შეიძლება სამწლიანი გამოსაცდელი ვადა იყოს, რაც საკონსტუტიციო სასამართლომ თქვა“, - განაცხადა ბესელიამ.

ანა მებურიშვილი