პოლიტიკა

ხვალ ვანისა და ხონის საარჩევნო ოლქში შუალედური საპარლამენტო არჩევნები ჩატარდება

ხვალ ვანისა და ხონის საარჩევნო ოლქში შუალედური არჩევნები გაიმართება. მოქალაქეები პარლამენტში ვანისა და ხონის მაჟორიტარი დეპუტატს 54-ე მაჟორიტარულ საარჩევნო ოლქში აირჩევენ. აღნიშნულ ოლქში 60 საარჩევნო უბანი იქნება გახსნილი, სადაც 48 123 ამომრჩეველია რეგისტრირებული.

28 აპრილის შუალედურ არჩევნებში ხუთი პოლიტიკური სუბიექტის მიერ დასახელებული და ერთი საინიციატივო ჯგუფის მიერ წარდგენილი კანდიდატი მონაწილეობს, ესენია:

2. „ბაქრაძე, უგულავა – ევროპული საქართველო“ – გიორგი უგულავა
17. „საქართველო“ – გიორგი ლილუაშვილი
21. „ტრადიციონალისტები“– ზურაბ ქართველიშვილი
23. „ახალი ქრისტიან-დემოკრატები“– მამუკა ტუსკაძე
41. „ქართული ოცნება – დემოკრატიული საქართველო“ – გივი ჭიჭინაძე
42. საინიციატივო ჯგუფი (სოფიო მეშველიანი, შორენა ჯურხაძე, ვაჟა კოპალიანი, თამარ კუხალაშვილი, მარინა ჩაგუნავა) – ვასილ კოპალიანი.

შუალედური არჩევნები მას შემდეგ დაინიშნა, რაც „ქართული ოცნების“ ვანისა და ხონის მაჟორიტარი გრიგოლ ლილუაშვილი საქართველოს სახელმწიფო უსაფრთხობის სამსახურის უფროსის მოადგილედ დაინიშნა.