პოლიტიკა

ხვალ უნდა მივაფურთხოთ ეშმაკს - შალვა ნათელაშვილი

„ლეიბორისტული პარტიის“ ლიდერმა მხარდაჭერებთან შემაჯამებელი შეხვედრა გამართა.

შალვა ნათელაშვილმა ამომრჩევკლეს მიმართა და მოუწოდა არჩევნმებისკენ მისვლა.

მისი თქმით,“დიდგორის ლაშქარი „ლეიბორისტული პარტიიდან“ ხვალ გამარჯვებისთვის მზად არის“.

„როგორც ვხედავთ, დიდგორის ლაშქარი „ლეიბორისტული პარტიიდან“ მზად არის ხვალ გამარჯვების მოსაპოვებლად. პოეტი ამბობდა- „კარჩაკეტილი ცხოვრებიდან გავიდეთ მზეზე“. თუ მზეზე გასვლა გვინდა, ხვალინდელ არჩევნებზე უნდა გაიაროს მთელმა ერმა. ეს არის განწმენდის დღე იმ ვირუსებისგან, იმ ავადობისგან, იმ სახადისგან, რაც შეგვეყარა ივანიშვილის ბანკირთა რეჟიმის სახით, რომლის გასტუმრება ისტორიულ მოუსავლეთში ჩვენი აუცილებელი და ადამიანური მოვალეობაა.

ყოველთვის, როდესაც უფლის ნებით ტაძრებში ან ვინათლებით, ან ვნათლავთ, ყოველთვის გვეუბნებიან „მივაფურთხოთ ეშმაკს“. ხვალ უნდა მივაფურთხოთ ეშმაკს.

ხვალ უნდა მივუჩინოთ თავისი ადგილი იმ 41 მილიონერ დეპუტატს, რომელიც პარლამენტში ზის და ჩვენს ხარჯზე მილიონებს აკეთებს კიდევ. იმ საკრებულოს 20 დეპუტატს, რომელიც თბილისელების ძარცვით გამდიდრდა. ხვალ, უნდა მივუჩინოთ თავისი ადგილი იმ ბანკირებს, რომელთა მოვალე 700 ათასი ჩვენი თანამოძმეა და ჩვენი ოჯახის წევრი. ეს უნდა გავაკეთოთ ხვალ, იმიტომ რომ ზეგ გვიანი იქნება, მეგობრებო.

და გუგავა აუცილებლად მოვა. ხალხი ელოდება ამას, ხალხი ჩვენგან ელოდება ამას. ჩვენი ბრძენი ხალხი შანს ხელიდან არ გაუშვებს და ხვალ დაიწყება ამ ხელისუფლების მზის ჩასწორება მზის ჩასვლასთან ერთად“,-განაცხადა ნათელაშვილმა.

მონიკა დავლიანიძე