პოლიტიკა

ხვალ რომ საპრეზიდენტო არჩევნები ჩატარებულიყო, გამოკითხულთა 15% ხმას არავის არ მისცემდა - NDI

ეროვნულ-დემოკრატიული ინსტიტუტის (NDI) მიერ ჩატარებული კვლევის თანახმად, ხვალ რომ საპრეზიდენტო არჩევნები ჩატარებულიყო, გამოკითხულთა 12 % „ქართული ოცნების“ კანდიდატს მისცემდა ხმას, 10% - „ერთიანი ნაციონალური მოძრაობის“ კანდიდატს.

გამოკითხულთა 32%-მა განაცხადა, რომ არ იცის, ვის მისცემდა ხმას, ხოლო 15%-მა თქვა, რომ არცერთ კანდიდატს არ დაუჭერდა მხარს.

გამოკითხულთა 6%-მა განაცხადა, რომ ხმას მისცემდა გიორგი მარგველაშვილს, კიდევ 6% - დავით ბაქრაძეს, 4% - შალვა ნათელაშვილს, 7% - სხვა კანდიდატს.

NDI-მ განმარტა, რომ ამ კითხვის დასმისას გიორგი მარგველაშვილი ნახსენები იყო საპრეზიდენტო კანდიდატების ჩამონათვალში.

კვლევის საველე სამუშაოები ჩატარდა 23 ივნისი-8 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) 2 409 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

კვლევაში ცდომილების ზღვარი +/-1.9%-ია.