პოლიტიკა

ხვალ რომ საპარლამენტო არჩევნები ჩატარებულიყო, გამოკითხულთა 15% არავის არ მისცემდა ხმას, 20%- ქართულ ოცნებას, ხოლო 11%- ენმ-ს - NDI

ეროვნულ-დემოკრატიული ინსტიტუტის (NDI) მიერ ჩატარებული კვლევის თანახმად, ხვალ რომ საპარლამენტო არჩევნები ჩატარებულიყო, გამოკითხულთა 20% ხმას მისცემდა „ქართულ ოცნებას“, 11% - „ერთიან ნაციონალურ მოძრაობას“, 4% - „ევროპულ საქართველოს“, 3% - „ლეიბორისტულ პარტიას“, 7% კი - სხვა პარტიებს.

გამოკითხულთა 30%-მა განაცხადა, რომ არ იცის, ვის მისცემდა ხმას, ხოლო 15%-მა თქვა, რომ არცერთ პარტიას არ დაუჭერდა მხარს.

გამოკითხულთა 10%-მა პასუხზე უარი განაცხადა.

გამოკითხულთა 57%-ის განცხადებით, ისინი საპარლამენტო არჩევნებში მიიღებდნენ მონაწილეობას, ხოლო 43%-მა უპასუხა, რომ არა.

კვლევის საველე სამუშაოები ჩატარდა 23 ივნისი-8 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) 2 409 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

კვლევაში ცდომილების ზღვარი +/-1.9%-ია.