პოლიტიკა

ხვალ არჩევნების მეორე ტურია

ხვალ, 30 ოქტომბერს 8 ოქტომბრის საპარლამენტო არჩევნების მეორე ტური 50 მაჟორიტარულ ოლქში გაიმართება.

ეს ის მაჟორიტარული ოლქებია, სადაც პირველ ტურში ვერცერთმა კანდიდატმა ხმების 50%-ზე მეტი ვერ მიიღო და შესაბამისად, გამარჯვებული ვერ გამოვლინდა. მაჟორიტარი დეპუტატი აღნიშნულ ოლქებში პირველი ტურის შედეგების მიხედვით, ორ საუკეთესო კანდიდატს შორის უნდა აირჩიონ.

ამასთან, მაჟორიტარული ოლქების უმეტესობაში ერთმანეთს ,,ქართული ოცნებისა’’ და ნაციონალური მოძრაობის კანდიდატები უპირისპირდებიან. გამონაკლისია, სამი მაჟორიტარული ოლქი. ესენია: ჭიათურა, მცხეთა და თბილისში მთაწმინდა.

ჭიათურაში ,,ქართული ოცნების’’ მაჟორიტარი დეპუტატობის კანდიდატს სულხან მახათაძეს კონკურენციას ,,თავისუფალი დემოკრატების’’ კანდიდატი თემურ გაფრინდაშვილი გაუწევს.

მცხეთის მაჟორიტარობისთვის ,,ქართული ოცნებიდან’’ დიმიტრი ხუნდაძე იბრძვის, მისი კონკურენტი კი, მაჟორიტარობის დამოუკიდებელი კანდიდატი ცეზარ ჩოჩელია.

რაც შეეხება მთაწმინდას, აქ ერთამანეთს ნაციონალური მოძრაობის წევრი, ნიკოლოზ რურუა და მაჟორიტარობის დამოუკიდებელი კანდიდატი, სალომე ზურაბიშვილი უპირისპირდებიან.

ნინო ექვთიმიშვილი