პოლიტიკა

ხვალ არჩევნების მეორე ტური გაიმართება

თვითმმართველი ქალაქის - ქუთაისის და თვითმმართველი თემების - ყაზბეგის, ხაშურის, ბორჯომის, ოზურგეთის და მარტვილის მერების ასარჩევად ხვალ ადგილობრივი თვითმმართველობის არჩევნების მეორე ტური გაიმართება.

6 საარჩევნო ოლქის 317 საარჩევნო უბანზე 328 304 ამომრჩეველია რეგისტრირებული.

ყაზბეგში: საარჩევნო ბლოკი "დიმიტრი ლორთქიფანიძე, კახა კუკავა-დემოკრატიული მოძრაობა-თავისუფალი საქართველოდან" სანდრო ყამარაული და "ქართული ოცნება-დემოკრატიული საქართველოდან" ალექსანდრე ზაგაშვილი;

ხაშურში: "ქართული ოცნება-დემოკრატიული საქართველოდან" გიორგი გურასპაშვილი და საინიციატივო ჯგუფის წარმომადგენელი რამაზ ნოზაძე;

ბორჯომში: "დავით თარხან-მოურავი, ირმა ინაშვილი-საქართველოს პატრიოტთა ალიანსიდან" ზაზა ჩაჩანიძე და "ქართული ოცნება-დემოკრატიული საქართველოდან" ლევან ლიპარტია;

ქუთაისში: საარჩევნო ბლოკი "ერთიანი ნაციონალური მოძრაობიდან" გრიგოლ ვაშაძე და "ქართული ოცნება-დემოკრატიული საქართველოდან" გიორგი ჭიღვარია.

ოზურგეთში: "ქართული ოცნება-დემოკრატიული საქართველოდან" ბეგლარ სიორიძე და საინიციატივო ჯგუფის წარმომადგენელი კონსტანტინე შარაშენიძე;

მარტვილში: საარჩევნო ბლოკი "ერთიანი ნაციონალური მოძრაობიდან" მამუკა დანელია და "ქართული ოცნება-დემოკრატიული საქართველოდან" ალექსანდრე გრიგალავა.

ამ კანდიდატებმა პირველ ტურში ამომრჩეველთა ხმების 50 %-ზე მეტი ვერ მიიღეს.

აღსანიშნავია, რომ ნაციონალურმა მოძრაობამ მეორე ტურში მონაწილეობაზე უარი განაცხადა, თუმცა მარტვილსა და ქუთაისში ისინი საარჩევნო ბიულეტენებში წარმოდგენილი იქნებიან.