პოლიტიკა

ხუთივე ფირზე დაიწყოს გამოძიება - გრიგოლ ვაშაძე „ომეგას“ საქმეზე

გაერთიანებული ოპოზიციის „ძალა ერთობაშია“ პრეზიდენტობის კანდიდატმა გრიგოლ ვაშაძემ მოითხოვა თბილისის პროკურატურისგან, რომ „ომეგა ჯგუფისა“ და „იბერია ტვ“-ის საქმეზე გამოქვეყნებულ ხუთივე ჩანაწერზე ჩაატაროს გამოძიება.

„იბერიასა“ და ომეგას საქმეზე გამოქვეყნებულია, საჯარო გახდა სულ 5 ვიდეოფირი, აქედან საქმე აღძრულია მხოლოდ ერთ ვიდეოფირთან დაკავშირებით. გასაგებია, რომ სპორტის ყოფილ მინისტრსა და შემდეგ ადამიანს, რომელმაც საქართველოს რკინიგზა გააბედნიერა თავისი მეთვალყურეობით, ამზადებენ ციხეში ჩასაჯდომად და დანარჩენი ვიდეოფირები თითქოს არ არსებობს.

კატეგორიულად მოვითხოვთ, მთელი საზოგადოება, რომ 5-ივე ფირზე დაიწყოს გამოძიება, რომ ყველა პირი, რომელიც ფიგურირებს, რომელიც ამ ვიდეომასალაშია ან რომლის სახელიც ფიგურირებს ამ ვიდეომასალებში, დაიკითხოს.

კატეგორიულად მოვითხოვთ, რომ შეწყდეს ბიზნესსა და თავისუფალ მასმედიაზე ზეწოლა, იმიტომ რომ ტერორმა მიიღო სისტემური ხასიათი“, - განაცხადა ვაშაძემ.