სამართალი

ხორავას ქუჩაზე მომხდარი მკვლელობის დროს მირზა სუბელიანს არ ვიცნობდი - გიორგი გახარია

საქართველოს შინაგან საქმეთა მინისტრის, გიორგი გახარიას განცხადებით, ხორავას ქუჩაზე 2 მოზარდის მკვლელობის დროს ის პროკურატურის ყოფილ მაღალჩინოსან მირზა სუბელიანს არ იცნობდა. - ასე უპასუხა მინისტრმა ხორავას ქუჩაზე მოზარდების მკვლელობის საქმეზე შექმნილი დროებითი საპარლამენტო საგამოძიებო კომისიის წევრის, ირაკლი აბესაძის შეკითხვას, რომელიც დაინტერესდა, იცნობდნენ თუ არა შს მინისტრი და ყოფილი მთავარი პროკურორი ირაკლი შოთაძე მირზა სუბელიანს.

„მირზა სუბელიანს მომხდარი ფაქტის დროს არ ვიცნობდი, ახალი გამოყოფილი საქმის პირობებში მქონდა მირზა სუბელიანთან კონტაქტი, როდესაც ის იმყოფებოდა ცენტრალურ კრიმინალური პოლიციაში გარკვეულ გამოკითხვაზე“, – განაცხადა გახარაიამ.

ყოფილი მთავარი პროკურორის, ირაკლი შოთაძის განცხადებით, ის სუბელიანს იცნობდა, რადგან ის მისი თანამშრომელი იყო.

„რა თქმა უნდა, ვიცნობდი, იგი იყო ჩემი თანამშრომელი და აქედან გამომდინარე ვიცნობდი”, – განაცხადა შოთაძემ.

დღეს გიორგი გახარიასა და ირაკლი შოთაძის გარდა კომისიის სხდომაზე ასევე გამოკითხავენ იუსტიციის მინისტრ თეა წულუკიანს.