სამართალი

ხორავას ქუჩაზე მომხდარ მკვლელობის საქმეზე პროკურატურაში ზვიად კუპრავა დაიბარეს

"სამართალდამცველთა რეფორმირების ცენტრის" ხელმძღვანელი ზვიად კუპრავა პროკურატურაში დაიბარეს.

საქმე ეხება ხორავას ქუჩაზე მომხდარ მკვლელობას და ჩანაწერს, რომელიც კუპრავამ რამდენიმე დღის წინ გაავრცელა.

„მე ვაპირებ პროკურორს, ვუთხრა იმ სავარაუდო ბაბუის გვარების შესახებ, რომლებიც სავარაუდოდ, ცდილობენ მოწმეების მოსყიდვას, ცდილობენ გამოძიებაში უხეშად ჩარევას. დანარჩენი ჯერი უკვე პროკურატურაზეა. ისინი ალბათ, შემდეგ ეტაპზე დაიბარებენ იმ ადამიანებს, იმ გვარებს, ვისაც მე მათ დავუსახელებ და ვნახოთ, გამოძიება რა დასკვნამდე მივა. ძალიან მნიშვნელოვანია ამ საქმესთან დაკავშირებით, გამოძიება მიმდინარეობდეს ისე, რომ არც ერთი ადამიანს, ვერც ერთ გარეშე პირს არ შეეძლოს მასში ჩარევა და რაიმე ზეგავლენის მოხდენა გამოძიების შედეგებზე,“ - განაცხადა ზვიად კუპრავამ.

აუდიოჩანაწერში, ხორავას ქუჩაზე მოკლული მოსწავლეების მეგობრები ყვებიან, რომ ინციდენტში მონაწილე ზოგიერთი არასრულწლოვნის ოჯახის წევრი ფაქტების დამახინჯებით არის დაინტერესებული და სასურველი ჩვენების მისაღებად მათ სოლიდური თანხის სთავაზობს.

ნინო ექვთიმიშვილი