პოლიტიკა

ხელისუფლებას არ აქვს პასუხები ე.წ. ფარული მოსმენების კანონის შესახებ - აკაკი მინაშვილი

საპარლამენტო ფრაქცია „ერთიანი ნაციონალური მოძრაობის“ წევრი აკაკი მინაშვილი ე.წ. ფარული მოსმენების კანონპროექტის რიგგარეშე სხდომაზე განხილვას ეხმაურება. მინაშვილის თქმით, უმრავლესობა სპეციალურად აჩქარებს აღნიშნულ საკონსტიტუციო ცვლილებათა პაკეტზე მუშაობას.

„ის ფაქტი, რომ კანონის მიღება ხდება დაჩქარებული წესით, ის, რომ უმრავლესობის არ სურს მოუსმინოს ოპოზიციის არგუმენეტები, შეზღუდა საპარლამენტო დებატები, იმას ადასტურებს, რომ ხელისუფლებასა და ივანიშვილის არ აქვს პასუხი იმ საფუძვლიან კითხვებზე, რომელიც არსებობს“, - განაცხადა მინაშვილმა.

დღეს პარლამენტის ბიუროს სხდომაზე ე.წ. ფარული მოსმენების კანონპროექტის განხილვა იგეგმება.

შეგახსენებთ, რომ წინა კვირას აღნიშნული საკონსტიტუციო ცვლილებათა პაკეტი ორი მოსმენით მიიღეს.

ანა მებურიშვილი