პოლიტიკა

ხელისუფლება დარწმუნდა, რომ ეს არის საზოგადოებისათვის საშიში - დეკანოზი მიქაელ ბოტკოველი კანაფის კულტივაციის შესახებ კანონპროექტზე

პატრიარქის მდივნის, მიქაელ ბოტკოველის განცხადებით, მთავრობა მიხვდა, რომ კანაფის კულტივაციის შესახებ კანონპროექტის დამტკიცება საზოგადოებისთვის საშიშია.

როგორც ბოტკოველმა აღნიშნა, ხელისუფლება უკან გაიწვევს კანაფის კულტივაციის შესახებ კანონპროექტს, არგუმენტად კი დაასახელეს, რომ მათ დაინახეს საზოგადოების რეაქცია.

„ის, რომ ხელისუფლებამ იცოდა ჩვენი პოზიცია, ამაზე კომენტარს აღარ გავაკეთებ. ხელისუფლებამ გადაწყვიტა, რომ ჩვენთან კიდევ ერთხელ გაევლო კონსულტაციები და მის უწმინდესობასთან ხელისუფლების მაღალი თანამდებობის პირები შეხვედრაზე მობრძანდნენ. ხელისუფლება დარწმუნდა, რომ ეს არის საზოგადოებისათვის საშიში და ის ძალისხმევა, რომელსაც ეკლესია აქამდე ახორციელებდა და არა მარტო მართლმადიდებელი ეკლესია, არამედ საქართველოში არსებული რელიგიური კონფესიები, რომლებიც კანაფის კულტივაციას მხარს არ უჭერდნენ. პატრიარქთან მათ განაცხადეს, რომ უკან გაიწვევენ კანონპროექტს. არგუმენტად დაასახელეს, რომ მათ დაინახეს საზოგადოების რეაქცია და ეკლესიის პოზიცია, რომ ისინი ანგარიშს გაუწევენ ამ ყველაფერს“, - განაცხადა დეკანოზმა საპატრიარქოში გამართული შეხვედრის შემდეგ.

ილია მეორესთან შეხვედრის შემდეგ შს მინისტრმა გიორგი გახარიამ განაცხადა, რომ მთავრობა კანაფის კულტივაციის შესახებ კანონპროექტს პარლამენტიდან გაიწვევს.