პოლიტიკა

`ხართ თუ არა ინსტრუმენტი გვარამიას ხელში?` -`იმედის` მფლობელი „რუსთავი 2“-ის ჟურნალისტს დაუპირისპირდა (ვიდეო)

რუსთაველის თეატრში, სადაც მოქალაქეთა გარკვეული ჯგუფი აქციას მართავდა ინცინდენტი მოხდა.

რუსთავი 2-ის ინფორმაციით, ტელეკომპანია „იმედის“ მფლობელი ირაკლი რუხაძე "რუსთავი 2"-ის ჟურნალისტ, მარიამ გაფრინდაშვილს დაუპირისპირდა.

რუხაძემ ჟურნალისტს მიერ დასმულ შეკითხვას, ნიკა გვარამიაზე კრიტიკით უპასუხა.

„გვარამია რომ დამემუქრა, შეგავიწროვებო, ხომ გახსოვთ, გამოვიდა და მოიტყუა, თაღლითიაო, სასამართლოს ეს არ უთქვამს. ეს არის გვარამიას ტყუილი. არ იცით, რომელზე მეკითხებით. თქვენ ხართ ინსტრუმენტი? ნიკა გვარამიას ჰკითხეთ, რამდენი მილიონი ადამიანი შეგვავიწროოს? სალომეს ხმა მისცა 38%-მა, მილიონობით ხალხს შეგვავიწროებს, დაგვპირდა, თქვენ მონაწილეობთ? გვარამია იყო ადეიშვილის მოადგილე. სამასი ათასი ადამიანი გასროკეთ, როცა გვარამია იყო მეორე კაცი პროკურატურაში... ხართ თუ არა ინსტრუმენტი გვარამიას ხელში?“- განაცხადა ირაკლი რუხაძემ.

რუხაძის გაღიზიანება იმ კითხვამ გამოიწვია, რომელიც ლონდონის სასამართლოში ირაკლი რუხაძის მიერ წაგებულ საქმეს ეხებოდა.