მსოფლიო

კარგი ამბები ხდება, მაგრამ ამას მხოლოდ დრო გვიჩვენებს - დონალდ ტრამპი ჩრდილოეთ და სამხრეთ კორეის ლიდერების შეხვედრაზე

აშშ-ის პრეზიდენტი დონალდ ტრამპი გამოეხმაურა ჩრდილოეთ და სამხრეთ კორეის ლიდერების მიერ მიღებულ გადაწყვეტილებას, რომლის მიხედვით ისინი სრულ ბირთვულ განიარაღებასა და ფორმალური ომის დასრულებაზე შეთანხმდნენ.

„კორეის ომი მთავრდება! აშშ და მისი მაგარი ხალხი უნდა ამაყობდეს იმით, რაც ხდება კორეაში!“, - დაწერა ტრამპმა ტვიტერზე.

ტრამპმა აღნიშნა, რომ „სარაკეტო და ბირთვული გამოცდების გაშმაგებული წლის შემდეგ ჩრდილოეთ და სამხრეთ კორეას შორის ისტორიული შეხვედრა მიმდინარეობს. კარგი ამბები ხდება, მაგრამ ამას მხოლოდ დრო გვიჩვენებს“.