მსოფლიო

სამხრეთ და ჩრდილოეთ კორეების ლიდერები სრულ ბირთვულ განიარაღებასა და ფორმალური ომის დასრულებაზე შეთანხმდნენ

სამხრეთ და ჩრდილოეთ კორეების ლიდერები სრულ ბირთვულ განიარაღებაზე შეთანხმდნენ. აღნიშნული გადაწყვეტილება კიმ ჩენ ინმა და მუნ ჯე ინმა დემილიტარიზებულ ზონაში გამართულ შეხვედრაზე მიიღეს.

გარდა ამისა, ორივე ლიდერი სამშვიდობო ხელშეკრულების გაფორმებაზე შეთანხმდა, რომლითაც ნახევარკუნძულზე მიმდინარე ფორმალური ომი ოფიციალურად დასრულდება. საქმე ისაა, რომ 1953 წლის კორეის ომის შემდეგ, ფხენიანსა და სეულს შორის არ იყო გაფორმებული სამშვიდობო შეთანხმება, რის გამოც ორი ქვეყანა ტექნიკურად ომის რეჟიმში იმყოფება.

კიმ ჩენ ინი და მუნ ჯე ინი ასევე შეთანხდნენ შემდეგ საკითხებზე:

ორ ქვეყანას შორის „მტრული მოქმედებების“ დასრულებაზე;

დემილიტარიზებული ზონის, რომელიც ორ ქვეყანას ჰყოფს, „მშვიდობის ზონად“ გადაქცევაზე;

რეგიონში შეიარაღების შემცირებაზე;

სამმხრივი მოლაპარაკებების გამართვაზე აშშ-ისა და ჩინეთის მონაწილეობით;

ომით გაყოფილი ოჯახების შეხვედრების მოწყობაზე;

საზღვრის გარშემო გზებისა და სარკინიგზო ხაზების დაკავშირებასა და განახლებაზე;

ერთობლივ მონაწილეობაზე სპორტულ ღონისძიებებში, მათ შორის აზიურ თამაშებში.

ცნობილი გახდა, რომ სამხრეთ კორეის პრეზიდენტი მუნ ჯე ინი ფხენიანს შემოდგომაზე ეწვევა.