პოლიტიკა

კანაფის კანონის გამოწვევაზე მიღებული გადაწყვეტილება პასუხობს საზოგადოებაში არსებულ განწყობას - სალომე ზურაბიშვილი

პრეზიდენტობის კანდიდატი სალომე ზურაბიშვილი „ფეისბუქის“ საკუთარ გვერდზე კანაფის კულტივაციის შესახებ კანონის გაწვევას ეხმაურება.

მისი შეფასებით, აღნიშნული გადაწყვეტილება საზოგადოებაში არსებულ განწყობასა და მოლოდინს პასუხობს.

„ხელისუფლების მიერ დღეს მიღებული გადაწყვეტილება საპატრიარქოსთან გაზიარებული, კანაფის კანონის გამოწვევაზე, პასუხობს საზოგადოებაში არსებულ განწყობასა და მოლოდინს. ეს იყო ის, რაც ჩემი სამთვიან კამპანიის დროს ყველგან მოვისმინე, ხალხისგან, უპირველეს ყოვლისა დედებისგან, საქართველოს ყოველ რეგიონში... მიხარია, რომ ამ საერთო დასკვნამდე მივედით, რამეთუ ასეთი საკითხი საზოგადოების და საპატრიარქოს გარეშე არ უნდა წყდებოდეს,“ - წერს ზურაბიშვილი.