პოლიტიკა

კახა კალაძის თბილისის მერად წარდგენა მთაწმინდის პარკში მოხდება

თბილისის მერად კახა კალაძის ოფიციაილური წარდგენა მთაწმინდის პარკში, საღამოს 20:00-ზე მოხდება.

პარტიის კანდიდატს, საქართველოს პრემიერ-მინისტრი, გიორგი კვირიკაშვილი წარადგენს.

ამჟამად პარკში შესაბამისი სამზადისი მიმდინარეობს: სცენის დამონტაჟება, კამერების დაყენება, ხმის შემოწმება და სხვა ტექნიკური სამუშაოები.

ვაკის პარკში კალაძის მეგობრები, სპორტსმენები იმყოფებიან.

როგორც ფეხბურთის ფედერაციის პრეზიდენტმა ლევან კობიაშვილმა განაცხადა, კალაძეს აქვს უნარი იყოს წარმატებული არა პიროვნულაად, არამედ გუნდთან ერთად.

„ის არის ჩემი აზრით ადამიანი, რომელსაც აქვს არაჩვეულებრივი შრომის უნარი , აქვს სურვილი, რომ სულ იყოს წარმატებული და არასდროს არ ფიქრობს, რომ თვითონ იყოს წარმატებული. მის ინტერესებშია ყოველთვის, რომ გუნდი იყოს წარმატებული და ყოველთვის აღწევს ამ წარმატებას. ის არაჩვეულებრივი ენერგიის მქონე ადამიანია და ზუსტად ასეთი მერი სჭირდება დღეს ჩვენს ქალაქს. დარწმუნებული ვარ, ის იქნება, მართლაც საამაყო ყველა ჩვენთაგანისთვის“,-აღნიშნა კობიაშვილმა.

თვითმმართველობებისა და მერების არჩევნები ოქტომბრის მესამე კვირის ბოლოს გაიმართება, თუმცა, როგორც პრეზიდენტმა აღნიშნა, არჩევნების ზუსტი თარიღი კენჭისყრამდე 60 დღით ადრე გახდება ცნობილი.

მონიკა დავლიანიძე