პოლიტიკა
კახა კალაძე თელ-ავივის მერს შეხვდა
თბილისის მერი კახა კალაძე, ისრაელში ვიზიტის ფარგლებში, საპარლამენტო დელეგაციის წევრებთან ერთად, თელ-ავივის მერს, რონ ჰულდაის შეხვდა.
თბილისის მერიის ინფორმაციით, შეხვედრაზე მხარეებმა თბილისსა და თელ-ავივს შორის არსებული ურთიერთობების გაღრმავების საკითხები და თანამშრომლობის სამომავლო გეგმები განიხილეს. ხაზი გაესვა, თელ-ავივის, როგორც მაღალტექნოლოგიური სექტორის განვითარების მხრივ, ინოვაციური ქალაქის როლს.
თბილისის მერმა რონ ჰულდაის თბილისში მიმდინარე და დაგეგმილი პროექტები გააცნო. თელ-ავივის მერმა მზადყოფნა გამოთქვა, აღნიშნული კუთხით არსებული გამოცდილება თბილისის მუნიციპალიტეტს გაუზიაროს. შეხვედრაზე საუბარი ასევე, შეეხო ეკონომიკის, კულტურის, ტურიზმისა და საინვესტიციო მიმართულებებით თანამშრომლობის განვითარების პერსპექტივებს.
„თელ-ავივის მერთან ძალიან საინტერესო, მეგობრული შეხვედრა გაიმართა, რომლის მიზანია, მუნიციპალიტეტის დონეზე მაღალი ტექნოლოგიების გამოყენება შევძლოთ. თელ-ავივი ამ მიმართულებით, ერთ-ერთი მოწინავე ქალაქია. თანამედროვე ტექნოლოგიების გამოყენების მიმართულებით, მათი გამოცდილების გაზიარების დახმარებას დაგვპირდნენ. მომდევნო თვეების განმავლობაში კი, სპეციალური ჯგუფების შეხვედრა შედგება და ამ ტექნოლოგიებს დედაქალაქის მართვაში აუცილებლად გამოვიყენებთ. პირადად ჩემთვის და ზოგადად, ჩვენი ქვეყნისთვის ძალიან მნიშვნელოვანია, რომ ქალაქის მართვასა და განვითარებაში, დედაქალაქის მოსახლეობა მაქსიმალურად ჩავრთოთ“, - განაცხადა კახა კალაძემ.
ქალაქ თელ-ავივის მერიაში გამართულ შეხვედრას საქართველოს საგანგებო და სრულუფლებიანი ელჩი ისრაელის სახელმწიფოში, პაატა კალანდაძე დაესწრო. შეხვედრის დაწყებამდე, კახა კალაძემ ისრაელის პოლიტიკური მოღვაწის, იცხაკ რაბინის მემორიალი ყვავილებით შეამკო.
საკვანძო სიტყვები:
საქართველოში დღეს გვყავს პროტესტში მყოფი ადამიანთა ჯგუფი, რომლებსაც, დიახ, წაართვეს ქართველობა - შალვა პაპუაშვილი
24 მარტი, 2026 , 13:04
ვუკრძალავ ნებისმიერ ადამიანს ჩემს თავისუფლებასა და პატიმრობაზე რაიმე სახის დიალოგს, მოლაპარაკებას, სიტყვის წარმოთქმასაც კი, გასაკვირია, რომ ეს პოზიცია ქვეყნის გარეთ უფრო კარგად გაიგეს - ელენე ხოშტარია
17 მარტი, 2026 , 15:20
ჩვენ დიდი ხანია, ვსაუბრობთ, რომ ბოლო წლებში ასეულობით მილიონი დაიხარჯა ქვეყანაში მოღალატეობრივი ქსელის შესაქმნელად - კახა კალაძე
17 მარტი, 2026 , 13:18
უნდა შეწყდეს ბრიუსელიდან და ევროკავშირის სხვა დედაქალაქებიდან მომდინარე დეზინფორმაცია, პარტნიორობა შეუძლებელია იქ, სადაც, სიმართლის ნაცვლად, პოლიტიკური ნარატივები დომინირებს - შალვა პაპუაშვილი
17 მარტი, 2026 , 13:15
ბიძინა ივანიშვილი არის მმართველი გუნდის საპატიო თავმჯდომარე და ბუნებრივია, ჩვენ ყველა ერთად ვინაწილებთ პასუხისმგებლობას - ირაკლი კობახიძე
17 მარტი, 2026 , 09:21
ერთი ფაქტი მოგვაწოდეთ, სადაც იყო კორუფციული გადაცდომა, თუ არ გვექნება ეფექტური რეაგირება, მერე ვილაპარაკოთ - ირაკლი კობახიძე
17 მარტი, 2026 , 09:14


