პოლიტიკა

კახა კალაძე `ქართული ოცნების` პოლიტსაბჭოს გენერალური მდივნის თანამდებობას შეინარჩუნებს

რა თქმა უნდა, ცვლილებები იქნება, რა რაოდენობა იქნება, ვინ დარჩება, ამას უახლოეს მომავალში გაიგებთ. მე დავრჩები“, - განუცხადა ჟურნალისტებს თბილისის მერმა, კახა კალაძემ და აღნიშნულით ბიძინა ივანიშვილის დაბრუნების შემდეგ ,,ქართული ოცნების“ პოლიტსაბჭოში დაგეგმილ ცვლილებებს გამოეხმაურა.

კითხვაზე, რამდენად რეალურია გავრცელებული ინფორმაცია იმის შესახებ, რომ ბიძინა ივანიშვილი „ქართული ოცნების“ საპრეზიდენტო კანდიდატი იქნება, დედაქალაქის მერმა აღნიშნა, რომ ეს არ შეესაბამება სიმართლეს.

„არ არის ეს სწორი ინფორმაცია, არ შეესაბამება სიმართლეს“, - განაცხადა კალაძემ.

რაც შეეხება მმართველ გუნდში არსებულ კრიზისს, კახა კალაძე აცხადებს, რომ უმრავლესობის დაშლის საფრთხე არ არსებობს.

„გუნდში არანაირი კრიზისი არ არსებობს, შეიძლება გარკვეულ ძალებს, ადამიანებს, სურვილი ჰქონდეთ, რომ გუნდში იყოს განხეთქილება, იყოს კრიზისი, თუმცა, მე რამდენიმე კვირის წინ ვთქვი და კიდევ გავიმეორებ, რომ უმრავლესობის დაშლის საფრთხე არ არსებობს“, - განაცხადა კალაძემ.

ნინო ექვთიმიშვილი