პოლიტიკა

ივანიშვილმა მითხრა, რომ „ქართულ ოცნებასთან“ ვალში არ ვარ და შემიძლია, ვიყო დამოუკიდებელი - სალომე ზურაბიშვილი

გამოცემა The Daily Beast-მა საქართველოს ახალარჩეულ პრეზიდენტთან, სალომე ზურაბიშვილთან ინტერვიუ ჩაწერა. გამოცემის თქმით, ზურაბიშვილი თავისუფლად აღნიშნავს, რომ მის არჩევაში მმართველი „ქართული ოცნების“ მხარდაჭერამ საკვანძო როლი ითამაშა. თუმცა, როგორც The Daily Beast-თან ზურაბიშვილმა აღნიშნა, არ არსებობს არავითარი წინაპირობა, რომლებიც მას აიძულებენ, მომავალში „ქართული ოცნების“ თავმჯდომარე ბიძინა ივანიშვილისა და მმართველი გუნდის ერთგული იყოს.

„მე ვნახე ბატონი ივანიშვილი არჩევნების შემდეგ. მან მითხრა, რომ არ ვარ ვალში მმართველ გუნდთან და შემიძლია, ვიყო დამოუკიდებელი“, - განაცხადა ზურაბიშვილმა.