პოლიტიკა

ივანიშვილის ბოლო ინტერვიუ იყო ალბათ ყველაზე დიდი შეცდომა, როდესაც მან გადაწყვიტა, რომ კიდევ უნდა ასწავლოს ჭკუა საზოგადოებას - თამარ კორძაია

„რესპუბლიკური პარტიის“ ერთ-ერთი ლიდერის, თამარ კორძაიას განცხადებით, არჩევნების პირველი ტურის შედეგებზე გავლენა იქონია „ქართული ოცნების“ თავმჯდომარის, ბიძინა ივანიშვილის ბოლო ინტერვიუმ. კორძაიას მტკიცებით, მან ბევრი მოქალაქე აღაშფოთა.

მისივე თქმით , „რესპუბლიკური პარტია“ მხარს დაუჭერს გრიგოლ ვაშაძეს.

„საზოგადოების დაკვეთა არის, რომ ოპოზიციური პოლიტიკური ძალა მოვიდეს საპრეზიდენტო ხელისუფლებაში. "რესპუბლიკური პარტია" თვლის, რომ საზოგადოებას უნდა გაუწიო ანგარიში და ჩვენ ჩვენი რესურსებით მხარს დავუჭერთ. რა ფორმები ექნება ამას და როგორ იქნება, ამაზე მომავალში ვილაპარაკებთ. მისი ბოლო ინტერვიუ იყო ალბათ ყველაზე დიდი შეცდომა, როდესაც მან გადაწყვიტა, რომ კიდევ უნდა ასწავლოს ჭკუა საზოგადოებას. ჩვენ გვაქვს მოქალაქეებთან შეხება, რომლებიც სწორედ ამ ინტერვიუთი იყვნენ აღშოთებული. სარალიძის დაკავებაც იყო ბოლო წერტილი და ა.შ. შეცდომას შეცდომაზე უშვებდა ხელისუფლება“,-განაცხადა კორძაიამ.