სამართალი

იუსტიციის უმაღლესმა საბჭომ სააპელაციო სასამართლოს 12 მოსამართლე დანიშნა

იუსტიციის უმაღლეს საბჭოში სააპელაციო სასამართლოს მოსამართლეებს უყარეს კენჭი. თბილისის სააპელაციო სასამართლოს ადმინისტრაციულ პალატაში არსებული ხუთივე ვაკანსია შეივსო. ადმინისტრაციულ პალატაში სამწლიანი, გამოსაცდელი ვადით დაინიშნენ: ილონა თოდუა, მერაბ ლომიძე, მარიამ ცისკაძე, და თეა ძიმისტარაშვილი. უვადო მოსამართლედ დაინიშნა მიხეილ ჩინჩალაძე.

თბილისის სააპელაციო სასამართლოს სამოქალაქო პალატაში 5 ვაკანსიიდან ოთხი შეივსო. სამწლიანი, გამოსაცდელი ვადით მოსამართლეებად დაინიშნენ: ირაკლი ბონდარენკო, თამარ ზამბახიძე და გელა ქირია. მოსამართლე ოთარ სიჭინავა უვადო მოსამართლედ გამწესდა.

თბილისის სააპელაციო სასამართლოს სისხლის სამართლის პალატაში შვიდი ვაკანსიიდან მხოლოდ სამი ადგილი შეივსო. მურმან ისაევი, რევაზ ნადარაია და შორენა ყავლაშვილი სამწლიანი ვადით დაინიშნენ.

იუსტიციის უმაღლეს საბჭოში კენჭისყრის ეტაპამდე 24-მა მოსამართლემ ვერ მიაღწა. ესენი არიან: ბარამიძე ია, ბერიძე ლელა, გიორგაშვილი სანდრო, გოჩელაშვილი ლალი, ზვიადაძე ნათელა, თოფჩიშვილი რევაზი, ილიაშვილი თამაზი, ტყვარჩეიშვილი ნანა, კობახიძე ქეთევანი, ლიპარტელიანი ლარისა, მამულია რომანი, ოთარაშვილი ლია, პერანიძე როინი, ჟორჟოლიანი დურმიშხანი, სურმანიძე ზურაბი, ქარქაშაძე ლადო, ღიბრაძე დავითი, ჭანიშვილი ნანა, ცეცხლაძე ნარგიზი, ჭანტურია ავთანდილი, ხაბელაშილი ნინო, ჯავახიშვილო მაია, ჯანელიძე ირმა და ჯვარშეიშვილი მაია.

ნინო ექვთიმიშვილი