სამართალი

იურიდიულმა კომიტეტმა მანანა კობახიძეს მხარი დაუჭირა

საქართველოს პარლამენტის იურიდიულმა კომიტეტმა საკონსტიტუციო სასამართლოს მოსამართლის თანამდებობაზე ასარჩევად წარდგენილ მანანა კობახიძეს მხარი დაუჭირა.

კომიტეტმა კობახიძეს დღეს მოუსმინა. რის შემდეგაც, კენჭისყრის პროცედურა გაიმართა.

კენჭისყრაში მონაწილეობა 11-მა დეპუტატმა მიიღო და კობახიძის კანდიდატურას მხარი თერთმეტივემ დაუჭირა.

კომიტეტზე საპარლამენტო ოპოზიციამ კობახიძეს მწვავე კითხვები დაუსვა.

როგოც კობახიძემ კომიტეტში გამართული მოსმენის შემდეგ მედიას განუცხადა, იგი ცდილობდა კითხვებზე ამოამწურავი პასუხები გაეცა და ფიქრობს, რომ ეს გამოუვიდა.

„მსურდა, რომ კითხვებზე ამომწურავი პასუხი გამეცა და მე მგონი ეს შევძელი. დანარჩენი უკვე ყველაფერი არის მომავლის საქმე, სწორედ საზოგადოებამ დაინახოს მანანა კობახიძე უკვე საკონსტიტუციო სასამართლოს მოსამართლის რანგში, როგორ გადაწყვეტილებებს მიიღებს და რეალურად იქნება თუ არა იგი დამოუკდიებელი“,-აღნიშნა კობახიძემ.

საკონსტიტუციო სასამართლოს მოსამრთლედ მანანა კობახიძის კანდიდატურის წარდგენა ფრაქცია „ქართული ოცნების“ მხირდან მოხდა.

პროცედურულად, იურიდიული კომიტეტი ფარული კენჭისყრის შემდეგ შეიმუშავებს დასკვნას პარლამენტის პლენარულ სხდომაზე კობახიძის არჩევის საკითხის განხილვის თაობაზე.

საკონსტიტუციო სასამართლოში მოსამართლის ერთი ადგილი, რომელზეც კანდიდატურა პარლამენტს უნდა წარედგინა, სექტემბრიდან ვაკანტურია.

ოპოზიცია მანანა კობახიძის კანდიდატურას მხარს არ უჭერს.

პარლამენტის პირველი საგაზაფხულო სესია ხვალ, 7 თებერვალს გაიმართება.

მონიკა დავლიანიძე