საზოგადოება

იუმორისტი მიშა ანდღულაძე პროკურატურას მიმართავს - დაზარალებულის სტატუსსა და დაცვას მოითხოვს

იუმორისტი მიშა ანდღულაძე, რომელსაც რამდენიმე დღის წინ ჰააგაში თავს დაესხნენ, პროკურატურას მიმართავს და დაზარალებულის სტატუსსა და დაცვას მოითხოვს.

მიშა ანდღულაძე TV პირველთან აცხადებს, რომ სიცრუეა, თითქოს ჰააგაში „ქართული ოცნების“ წევრებს სიტყვიერი შეურაცხყოფა მიაყენა და ამიტომ გაუსწორდნენ ფიზიკურად. ანდღულაძის თქმით, გრძელდება სოციალურ ქსელში მუქარის შემცველი შეტყობინებების გამოგზავნა და ამიტომ მოითხოვს სახელმწიფოსგან დაცვის დანიშვნას.

„გამოცხადებული სიკვდილის ქრონიკას ჰგავს, ყველა თითქოს მომართულია, რომ თურმე მე დამაკლდა და კიდევ მეტი უნდა ყოფილიყო. რეალურად ისე გამოვიდა, რომ კმაყოფილები არ დარჩნენ ადამიანები, ვისაც უნდოდა, რომ არ ვიცი, როგორი ვენახე…. შემზადება მიდის, თითქოს, უნდა მოხდეს რაღაც ფატალური და სანამ ფატალური მოხდება, იქამდე ამას თუ არ ვუშველეთ, ეს ჯოჯოხეთია, მეც აღმოვჩნდი ძალადობაში შეჯიბრის სტატისტიკაში. 10 კაცი და თან ვის, კომედიანტს რომ ხუმრობის გამო თავს ესხმის, რაღაზე უნდა ვილაპარაკოთ მაშინ? სხვას, ვინც პირდაპირ ჩართულია რაღაც პროცესებში, იმას რა დაემართება, წარმომიდგენია“, – განაცხადა მან TV პირველთან.