პოლიტიკა

ის არ ვიცი ახლა, პრეზიდენტი გახდება თუ არა, მაგრამ „კანაფის დედოფალი“ ნამდვილად გახდება - მეუფე იაკობი ზურაბიშვილზე

ბოდბელი ეპისკოპოსმა, საქართველოს კათოლიკოს-პატრიაქრის ქორესპისკოპოსმა, მეუფე იაკობმა „ქართული ოცნების“ მიერ მხარდაჭერილი საპრეზიდენტო კანდიდატი სალომე ზურაბიშვილი გააკრიტიკა იმ განცხადების გამო, რომ ზურაბიშვილი კანაფის მოხმარებასთან დაკავშირებულ საინფორმაციო კამპანიას გაუძღვება.

„შეიძლება, თუ ვერ გაიმარჯვა, იმას ფიქრობს, რომ მერე მაგის ერთ ლიცენზიას აიღებს. იყო ხოლმე გამოთქმა, ფეხბურთს როცა ვთამაშობდით ახალგაზრდობაში, იყვნენ ხოლმე ადამიანები, გამოდიოდნენ და ამას ვიზამ, იმას ვიზამო და კრამიტებს რაკარუკი არ აუტეხოო, ვეტყოდით ხოლმე და არ ვიცი, რა უნდა ქნას ახლა ქალბატონმა სალომემ, სად აქვს იმდენი ავტორიტეტი, რომ მაგის სიტყვას უსმინონ. შეხვედრებზე ნახეთ, სადაც დადის, მასწავლებლები ჰყავთ, კარგად ვიცი, რა ხდება და ეს პიარტექნოლოგიები კარგად ვიცი. თუ იმას ამბობს, რომ კანაფს ჩაუდგება, კანაფის დედოფალი შეიძლება გახდეს. ის არ ვიცი ახლა, პრეზიდენტი გახდება თუ არა, მაგრამ „კანაფის დედოფალი“ ნამდვილად გახდება“, - განაცხადა მეუფე იაკობმა.

ზურაბიშვილმა მარიხუანის მოხმარების რეგლამენტირებასთან დაკავშირებით შსს-ის მიერ მომზადებულ კანონპროექტზე საუბრისას გადაცემა P.S.-ს განუცხადა, რომ სათავეში ჩაუდგება კანაფთან დაკავშირებულ საინფორმაციო კამპანიას.