სამართალი

ირმა ნადირაშვილი-მანანა კობახიძეს: ამ სიტყვების შემდეგ წინასწარ გილოცავთ, აყვანილი ხართ ამ ვაკანსიაზე

საკონსტიტუციო სასამართლოში მოსამართლის კანდიდატად წარდგენილი მანანა კობახიძის განცხადებით, იგი ილია ჭავჭავაძის მსგავს მოღვაწედ ჩათვლის ყველა იმ ადამიანს, ვინც ქვეყანაში ასეულობით ისტორიულ ძეგლს აღადგენს, ფიზიკურად გადაარჩენს მეცნიერებს, ხელოვანებს და სხვა.

ამის შესახებ კობახიძემ იურიდიულ საკითხთა კომიტეტში ირმა ნადირაშვილის მიერ დასმული კითხვის საპასუხიდ განაცხადა, რომლის მიხედვით, თვლის თუ არა მანანა კობახიძე დღესაც, რომ ბატონი ბიძინა ივანიშვილი ისეთივე როლს ასრულებს და ისეთივე საზოგადო მოღვაწეა, როგორიც XIX საუკუნეში ილია ჭავჭავაძე იყო?

„თუ ვინმე ამ ქვეყანაში კულტურული მემკვიდრეობის ძეგლებს, ისტორიულ ძეგლებს, ასეულობით აღადგენს, დააფინანსებს უნივერსიტეტებს, ააშენებს სკოლებს, ფიზიკურად გადაარჩენს მეცნიერებს, ხელოვან ხალხს, აღადგენს თეატრებს, მე იმასაც ვუწოდებ ისეთივე დონის საზოგადო მოღვაწეს, როგორათაც შეიძლება განიხილავდნენ XIX საუკუნეში ილია ჭავჭავაძეს“,-განმარტა კობახიძემ.

საკონსტიტუციო სასამართლოს მოსამართლეობის კანდიდატის ამ განცხადებაზე ირმა ნადირაშვილმა რეპლიკის სახით თქვა, რომ „ამ სიტყვების შემდეგ, წინასწარ მინდა მოგილოცოთ, რომ აყვანილი ხართ ამ ვაკანსიაზე“.

მონიკა დავლიანიძე