პოლიტიკა

ირმა ინაშვილი ირაკლი კობახიძეს გადადგომისკენ მოუწოდებს

"პატრიოტთა ალიანსი" საპროტესტო აქციებს განაგრძობს.

პარტიის ერთ-ერთი ლიდერის ირმა ინაშვილის განცხადებით, საპროტესტო ტალღა, თბილისის გარდა, სხვა ქალაქებშიც გაგრძელდება.

"პატრიოტთა ალიანსის" გენერალური მდივანი ამბობს, რომ არჩევნები გაყალბდა და ის უპირისპირდება უკანონობას და ძალადობას.

,,ჩვენ გადავდივართ მოქმედების სრულიად ახალ ეტაპზე და საპროტესტო ტალღა გადაედება მთელ საქართველოს. ეს გავრცელდება არამარტო თბილისში, არამედ საქართველოს თითქმის ყველა ქალაქს მოიცავს უახლოეს პერიოდში. მინდა, მკაფიოდ განვაცხადო, რომ მოხდა არჩევნების შედეგების გაყალბება. ამ გაყალბებაში მონაწილეობა მიიღო კვირიკაშვილმა, კობახიძემ, მდინარაძემ, თალაკვაძემ - ამ ჯგუფმა და პლუს გოგორიშვილმა, ბოკერიას ჯგუფმამ, მაჭავარიანმა. ამ ხალხმა მორიგჯერ ქვეყანაში გააყალბა არჩევნები. ჩვენ არ დავუშვებთ ხელოსუფლების უზურპაციას ამ ჯგუფის მხრიდან“, - განაცხადა ირმა ინაშვილმა.

მისივე თქმით, პარლამენტის თავმჯდომარე უნდა გადადგეს და გახდეს რიგითი დეპუტატი, რადგან ვერ ასრულებს თავის უფლება-მოვალეობებს.

,,ის ასევე წარმოადგენს ბოკერიას ჯგუფის გამცოცხლებელ ერთ-ერთ ინსტრუმენტს. ამიტომ, უნდა გადადგეს პარლამენტის თავმჯდომარე“, - განაცხადა ირმა ინაშვილმა.

ნინო ექვთიმიშვილი