სამართალი

ირაკლი ნოზაძე ნარკოტიკის მოტივით რაიმე კონფლიქტის დაწყებას უარყოფს - ადვოკატი

მომღერალ ირაკლი ნოზაძეს სამართალდამცველები, სავარაუდოდ, დღეს გამოკითხავენ.

ადვოკატ ნიკა სადრაძის თქმით, მას დაზარალებულთან კომუნიკაცია ჰქონდა.

ირაკლი ნოზაძე კატეგორიულად უარყოფს ნარკოტიკის მოტივით რაიმე კონფლიქტის დაწყებას. ადვოკატის ინფორმაციითვე, დაპირისპირება ვალთან დაკავშირებით დაიწყო.

,,დიდი ხანი არ გაგრძელდა ჩვენი კომუნიკაცია ჯანმრთელობის მდგომარეობიდან გამომდინარე, მაგრამ ყველაზე მთავარი რაზეც ვისაუბრეთ იყო ის, რომ აგორებული ჭორები და ვერსიები რაც არის საზოგადოებაში, რომ თითქოს ეს ყველაფერი უკავშირდება ნარკოტიკების თემას, არის ტყუილი. ირაკლი ამბობს, რომ კონფლიქტი ვალის გამო ყოფით ნიადაგზე წარმოიშვა. ურთიერთშელაპარაკების ნიადაგზე მიიღო მან ორი ჭრილობა.

იგეგმება მისი გამოკითხვა როგორც დაზარალებულის, თუ შეძლებს რა თქმა უნდა, ჯანმრთელობის მდგომარეობის გამო და მიაწვდის გამოძიებას ინფორმაციას იმ ფაქტთან დაკავშირებით რაც იმ დღეს მოხდა“, - განაცხადა ადვოკატმა.