პოლიტიკა

ირაკლი კობახიძეს ვურჩევ თანამდებობიდან გადადგეს - სერგო რატიანი

„ევროპული საქართველოს“ წევრმა, სერგო რატიანმა საქართველოს პარლამენტის თავმჯდომარეს, ირაკლი კობახიძეს, თანამდებობიდან გადადგომა ურჩია.

„პარლამენტის თავმჯდომარეს ვურჩევდი, რომ საკუთარი რეპუტაციის შესანარჩუნებლად გადამდგარიყო ამ თანამდებობიდან“, - განაცხადა რატიანმა.

რატიანის თქმით, კობახიძე და „ქართული ოცნება“ იტყუებოდნენ, რომ ახალი კონსტიტუციით შეიცვლება საარჩევნო სისტემა.

„ამ თვეების განმავლობაში, რაზეც საუბრობდა „ქართული ოცნება“, კონკრეტულად პარლამენტის თავმჯდომარე, აღმოჩნდა ტყუილი. გუშინდელი განცხადების შემდეგ დადასტურდა, რომ საარჩევნო კოდექსი ფაქტობრივად არ იცვლება შემდგომი არჩევნებისთვის. გამოდის, რომ ამ თვეების განმავლობაში, ის ატყუებდა საზოგადოებას. ვენეციის დასკვნა უკვე არაფერ შუაშია“, - განაცხადა რატიანმა.

ანა მებურიშვილი