პოლიტიკა

იქნებ, რაღაც კანონი იქნას მიღებული, ან რაღაც გავაკეთოთ, რომ აღდგეს ეს სამართლიანობა ბოლოს და ბოლოს - ემზარ კვიციანი

სამართლიანობის აღდგენას ნება სჭირდება და პროკურატურა ამ ნებას ელოდება, - განაცხადა ფრაქცია „საქართველოს პატრიოტების“ წევრმა ემზარ კვიციანმა პარლამენტის პლენარულ სხდომაზე სიტყვით გამოსვლისას.

მისი თქმით, 2017 წელს 24 თებერვალს სააპელაციო საამართლომ ნორა კვიციანი გაამართლა და უდანაშაულოდ ცნო, ასევე გამართლდა ბევრი ადამიანი, მათ შორის გიორგი გვიჩიანი.

დეპუტატი მიიჩნევს, რომ ეს საკმარისი უნდა იყოს იმისთვის, რომ „შემთითხვნელი პროკურორების შეთითხნული საქმეები გადაისინჯოს“.

„იქნებ, რაღაც კანონი იქნას მიღებული, ან რაღაც გავაკეთოთ, რომ აღდგეს ეს სამართლიანობა ბოლოს და ბოლოს. გამართლდა ნორა კვიციანი, გამართლდება კიდევ უამრავი ადამიანი, ვინ უნდა მოახდინოს ამ ადამიანების კომპენსირება, სახელმწიფომ?! შერჩეთ მაგათ თავიანთი ნამოქმედარი, შერჩეთ ის მილიარდები, რაც საქართველოდან წაიღეს?! იქნება რამე ისეთი კანონი მივიღოთ, რომ მათ პასუხი აგონ, ვინც დააშავეს ამ ადამიანების წინაშე და ვინც ამდენი წელი სისხლში აცურავა ჩვენი ქვეყანა“, - განაცხადა კვიციანმა.

დეპუტატის თქმით, პროკურატურას უნდა მიეცეს საშუალება, რომ იმუშაოს.

„სამართლიანობის აღდგენას ნება სჭირდება და აღდგება სამართლიანობა, პროკურატურა ამ ნებას ელოდება. ახალგაზრდა ბიჭები არიან, ძალიან მშვენივრად მუშაობენ და ძალიან სწრაფად აღადგენენ სამართლიანობას, რომ ჰქონდეთ ამის უფლება, ეს მთელმა საქართველომ იცის”, - განაცხადა კვიციანმა.

ნინო ექვთიმიშვილი