პოლიტიკა

იოჰანეს ჰანი ვიზის ლიბერალიზაციის პროცესის დასრულებას დეკემბრისთვის იმედოვნებს

ძალიან მალე ველოდები პოზიტიურ გადაწყვეტილებას, რადგან საქართველოს მოქალაქეებმა ეს დაიმსახურეს, - ასე უპასუხა ევროკომისარმა სამეზობლო პოლიტიკისა და გაფართოებაზე მოლაპარაკებების საკითხებში, იოჰანეს ჰანმა ქართველი ჟურნალისტების შეკითხვას იმასთან დაკავშირებით, თუ როდიდან ისარგებლებენ საქართველოს მოქალაქეები ევროკავშირის ქვეყნებში უვიზო მიმოსვლით.

,,აღმოსავლეთ პარტნიორობას რაც შეეხება, ვფიქრობ, რომ უნდა გავაგრძელოთ მუშაობა, რაც რამდენიმე წლის წინ დავიწყეთ, გავაღრმავოთ ხალხთა შორის კონტაქტი. ეს, რა თქმა უნდა, მოიცავს ვიზის ლიბერალიზაციასაც.

კიდევ ერთხელ გავიმეორებ, რომ საქართველომ და უკრაინამ შეასრულეს მოთხოვნები და დააკმაყოფილეს კრიტერიუმები. ძალიან მალე ველოდები პოზიტიურ გადაწყვეტილებას, რადგან საქართველოს მოქალაქეებმა ეს დაიმსახურეს.

მე ვრჩები ოპტიმისტად, ჯერ კიდევ ნოემბერია. ამიტომ, დეკემბერში პროცესის დასრულების შესაძლებლობა რჩება. ერთადერთი მიზეზი პროცესის გაჭიანურების არის ის, რომ საჭიროა ევროპარლამენტს და ევროპულ საბჭოს შორის დროებითი შეჩერების მექანიზმზე შეთანხმება და არა საქართველოსთვის ვიზის ლიბერალიზაციის მინიჭებაზე’’, - განაცხადა იოჰანეს ჰანმა ბრიუსელში, ევროკავშირის საგარეო საქმეთა მინისტრების შეხვედრის დაწყებამდე.

ნინო ექვთიმიშვილი