პოლიტიკა

ინგა გრიგოლია ბიძინა ივანიშვილთან ინტერვიუში არ მივა

ტელეწამყვანი ინგა გრიგოლია ბიძინა ივანიშვილთან ინტერვიუში მონაწილეობას არ მიიღებს.

ამის შესახებ ის ფეისბუქის პირად გვერდზე წერს.

,,გამარჯობა მეგობრებო. რადგან ამდენი ადამიანი მირეკავს და მეკითხება, მივდივარ თუ არა ხვალ ბიძინა ივანიშვილის ინტერვიუზე, ბარემ აქვე დავწერ,სიამოვნებით წავიდოდი,რადგან მგონია, რომ საინტერესო ბრიფინგი იქნება, მაგრამ ხვალ 20.00-ზე მეწყება გადაცემა ,,რეაქცია,, რომელიც გრძელდება ზუსტად იმ დრომდე, როცა იწყება ბიძინა ივანიშვილის ინტერვიუ ჟურნალისტებთან. ფიზიკურად ვერ მოვახერხებ, ამიტომ ტვ,,პირველი,, გადაწყვეტს , ვინ მიიღებს მონაწილეობას ჩვენგან ამ შეხვედრაში. მადლობა ყურადღებისთვის.

p.s-- ჩავამატებ ბარემ, ნებისმიერ დროს სიამოვნებით ავიღებ ინტერვიუს მისგან“, - წერს ინგა გრიგოლია.

ცნობისთვის, „ქართული ოცნების“ თავმჯდომარე ბიძინა ივანიშვილმა მასთან ინტერვიუს ჩასაწერად სამი ჟურნალისტი მიიწვია, გიორგი გაბუნია რუსთავი 2-დან, ინგა გრიგოლია ტვ პირველიდან და ირაკლი ჩიხლაძე „იმედიდან“.