პოლიტიკა

იმედს ვიტოვებ, რომ ოპოზიცია 16 დეკემბრის აქციაზე არ მოიქცევა ისე, როგორც გუშინ მოიქცა ნიკა მელია - ირაკლი კობახიძე

„როგორც ცნობილია, ინაუგურაცია თელავში ჩატარდება და ის შედგება კანონმდებლობით გათვალისწინებული პროცედურების შესაბამისად“,– ამის შესახებ პარლამენტის თავმჯდომარემ ირაკლი კობახიძემ ახალარჩეული პრეზიდენტის ინაუგურაციასთან დაკავშირებით განაცხადა.

რაც შეეხება 16 დეკემბერს, თელავში ოპოზიციის მიერ დაგეგმილ აქციას, კობახიძემ იმედი გამოთქვა, რომ ოპოზიცია არ მოიქცევა ისე, როგორც ნიკა მელიამ პარლამენტის გუშინდელ პლენარულ სხდომაზე.

„რაც შეეხება ოპოზიციის აქციას, ეს არის მათი კონსტიტუციული უფლება, თუმცა იმედს ვიტოვებ, რომ ისინი არ მოიქცევიან, როგორც გუშინ მოიქცა ნიკა მელია, ეს იქნება პასუხისმგებლიანი პოლიტიკოსისთვის შესაფერისი საქციელი, თუმცა „ნაცმოძრაობისგან“ მაინც და მაინც პოზიტიური მოლოდინი არ გვაქვს ხოლმე ზოგადად. ინაუგურაციის ჩატარებას არანაირი დაბრკოლება არ შეექმნება, ის ჩატარდება ისე, როგორც არის გათვალისწინებული“, – განაცხადა კობახიძემ.