პოლიტიკა

იმედი მაქვს,რომ შეჩერების მექანიზმზე შეთანხმება შობამდე მოხერხდეს, რაც ვიზალიბერალიზაციის წინაპირობაა- იოჰანეს ჰანი

ევროპული სამეზობლო პოლიტიკისა და გაფართოებაზე მოლაპარაკებების საკითხებში ევროკომისარი იოჰანეს ჰანი იმედს გამოთქვამს, რომ ევროპარლამენტი და ევროსაბჭო დროებითი შეჩერების მექანიზმზე შეთანხმებას შობამდე შეძლებენ.

მისი თქმით, ეს შეთანხმება უკრაინასა და საქართველოსთვის ვიზალიბერალიზაციის მინიჭების წინაპირობაა.

„მე ყოველთვის ოპტიმისტი ვარ. ვფიქრობ, რომ ძალიან ბევრს მივაღწიეთ. მაქვს ძალიან დიდი იმედი, რომ პარლამენტი და ევროპული საბჭო დროებითი შეჩერების მექანიზმზე შეთანხმებას შობამდე შეძლებენ. როგორც უკვე არაერთხელ აღვნიშნე, დროებითი შეჩერების მექანიზმი წინაპირობაა ვიზალიბერალიზაციისთვის. შეთანხმების შემდეგ, ტექნიკური მხარე დარჩება. შესაძლოა, პარლამენტში კენჭისყრა თებერვალში, ან მარტში შედგეს. დაგვჭირდება დრო გადაწყვეტილების აღსასრულებლად და დოკუმენტების სათარგმნად, რასაც დაახლოებით ერთი ან ორი თვე დასჭირდება“,-აღნიშნა ევროკომისარმა.

მონიკა დავლიანიძე