კომენტარი

იმედი მაქვს, ეს სიბინძურე დასრულდება, რომელიც გუშინაც მიხეილ სააკაშვილისგან მოვისმინეთ - გიგა ბოკერია

პარლამენტის ფრაქცია „ევროპული საქართველოს“ წევრი გიგა ბოკერია იმედს გამოთქვამს, რომ ფრაქცია ნაციონალური მოძრაობის გადარქმევისა და პარტიიდან ე.წ ბოკერია-ბაქრაძის გუნდის წამოსვლის შემდეგ, „სამარცხვინო სიბინძურე დასრულდება“, რომელიც ჯერ კიდევ გუშინაც ისმოდა მიხეილ სააკაშვილის მხრიდან.

ამის შესახებ ბოკერიამ მედიას ფრაქციის სხდომის დასრულების შემდეგ განუცხადა.

„დიდი იმედი მაქვს, რომ ეს სამარცხვინო სიბინძურე დასრულდება, გუშინდელი დღის შემდეგ. განცხადება, რომელიც მიხეილ სააკაშვილისგან გუშინ მოვისმინეთ, იყო სამწუხაროდ, გაგრძელება ამ სამარცხვინო წილისწამების კამპანიისა და სიბინძურის ფრქვევისა, ყოფილი თანაგუნდელების მიმართ. ეს ძალიან სამწუხარო არის. იმედი მაქვს, რომ დღეიდან ეს დასრულდება და ჩვენ ვაპირებთ, რომ ვიყოთ ფოკუსირებული მთლიანად იმ მთავარ გამოწვევაზე, რომელსაც ქვეყანას გააჩნია, ეს არის ივანიშვილის რეჟიმი“,-აღნიშნა ბოკერიამ.

მონიკა დავლიანიძე