კომენტარი

გიგიმ ჩემზე უფრო მეტი ისაუბრა, ვიდრე მის ციხეში ჩამსმელ ოლიგარქზე, ოქრუაშვილი გამახსენა და ადამიანურად შემეცოდა - მიხეილ სააკაშვილი

საქართველოს ექს-პრეზიდენტი მიხეილ სააკაშვილი ნაციონალური მოძრაობიდან გამოყოფილი წევრების ბრიფინგს გამოეხმაურა.

კერძოდ, მან გიგი უგულავას მიერ მისი მისამართითი ნათქვამ სიტყვებს გაუსვა ხაზი.

როგორც სააკაშვილმა Facebook-ში პირად გვერდზე დაწერა, მას გიგი უგულავამ დღეს ირაკლი ოქრუაშვილი გაახსენა და ის შეეცოდა.

„ჩვენმა ხალხმა აჩვენა თავისი ძალა და არ დაუშვა ნაციონალური მოძრაობის ხელში ჩაგდებისა და ჩემი პარტიიდან გაშვების ივანიშვილისეული გეგმის განხორციელება. “განდგომილების”რაოდენობა დღეს ყველამ ნახა, ხოლო ნაციონალური მოძრაობის მრავალრიცხოვანებასა და ძალაში ყველა დარწმუნდება 20 იანვრის ყრილობაზე. გიგიმ კი, რომელმაც ჩემზე უფრო მეტი ისაუბრა, ვიდრე მის ციხეში ჩამსმელ ოლიგარქზე, ოქრუაშვილი გამახსენა და ადამიანურად შემეცოდა.

დამთავრდა ნაცრის თავზე დაყრა და ლუზერების მმართველობა. პარტია ერთიანი და ძლიერია, როგორც არასდროს ბოლო 4 წლის განმავლობაში, ვინაიდან მისი კონტროლი დაიბრუნა რამდენიმე ათეულმა ათასმა აქტივისტმა. მომავალში უნდა მივიღოთ კანონი, რომელიც საშუალებას მისცემს ამომრჩეველს, მოტყუების შემთხვევაში, უკან გაიხმოს დეპუტატი“,-წერს სააკაშვილი.

მონიკა დავლიანიძ