პოლიტიკა

იმედი მაქვს ეკონომიკური გუნდი უახლოეს მომავალში გაბედულ და რადიკალურ ნაბიჯებს გადადგამს- გიორგი მარგველაშვილი

საქართველოს პრეზიდენტი გიორგი მარგველაშვილი, მთავრობის ეკონომიკური გუნდისგან ელოდება, გაბედულ და რადიკალურ ნაბიჯებს.

ამის შესახებ პრეზიდენტმა ტელეკომპანია „იბერიისთვის“ მიცემულ ექსკლუზიურ ინტერვიუში ჟურნალისტის მიერ დასმული კითხვის საპასუხოდ განაცხადა, რომლის მიხედვით, დაითხოვდა თუ არა ქვეყნის პირველი პირი მთავრობის ეკონომიკურ გუნდს და შეცვლიდა თუ არა რამეს?

„ეკონომიკურ გუნდს დავითხოვდი თუ არა? არა! მე ნამდვილად შემიძლია გითხრათ, რომ მე იმედი მაქვს, რომ ისინი უახლოეს მომავალში გადადგამენ რადიკალურ და გაბედულ ნაბიჯებს. ნადვილად ვერ გეტყვით, რომ ამ ეკონომიკურ გუნდს არ აქვს ან პოლიტიკური ან ინტელექტუალური, ან რაიმე სხვა სამართლებრივი ბერკეტი და რესურსი, რომ გადადგას თამამი ნაბიჯები. მე მოველი, რომ ისინი ამ ნაბიჯებს გადადგამენ და ამის იმედი მაქვს“, - განაცხადა პრეზიდენტმა.

მონიკა დავლიანიძე