პოლიტიკა

იმედი გვაქვს, რომ ამას სათანადო რეაქცია მოჰყვება ბრიუსელის მხრიდან - დავით დონდუა ჰერბერტ ზალბერის განცხადებაზე

საგარეო საქმეთა მინისტრის მოადგილის, დავით დონდუას განცხადებით, ევროკავშირის სპეციალური წარმომადგენლის სამხრეთ კავკასიასა და საქართველოს კრიზისების საკითხებში ჰერბერტ ზალბერის ბიბილოვისადმი გაკეთებულ განცხადებას ევროკავშირი გმობს. - ამის შესახებ მან საქართველოში ევროკავშირის ელჩთან იანოშ ჰერმანთან შეხვედრის შემდეგ თქვა.

დონდუას თქმით, ევროკავშირის პოზიცია საქართველოს ტერიტორიული მთლიანობისა და სუვერენიტეტის მხარდაჭერის კუთხით არ შეცვლილა. მან აღნიშნა, რომ ზალბერის განცხადება ეწინააღმდეგება საერთაშორისო სამართლის პრინციპებს და ხელს არ უწყობს როგორც საქართველოს, ასევე საერთაშორისო თანამეგობრობის ძალისხმევას კონფლიქტის მშვიდობიანი მოწესრიგებისთვის.

დონდუას იმედი აქვს, რომ ბრიუსელი დროულად და სათანადოდ გამოეხმაურება ამ ამბავს.

შეგახსენებთ, რომ ჰერბერტ ზალბერი გუშინ ოკუპირებული სამხრეთ ოსეთის ე.წ. პრეზიდენტ ანატოლი ბიბილოვს შეხვდა და მას ე.წ. საპრეზიდენტო არჩევნებში გამარჯვება მიულოცა. ამის გამო საქართველოში ევროკავშირის ელჩი იანოშ ჰერმანი საგარეო საქმეთა სამინისტროში დაიბარეს.

ანა მებურიშვილი