სამართალი

იმდენი ხანი გასტანა ჩემმა მდუმარებამ, მგონი, ბოლოს ყველას დაავიწყდა, რომ მეც დაზარალებული ვიყავი - ნათია საყვარელიძე

ხორავას ქუჩაზე მოკლული არასრულწლოვნის, ლევან დადუნაშვილის დედის, ნათია საყვარელიძის განცხადებით, მისი შვილი მსხვერპლია.

„ლევან დადუნაშვილი, ჩემი შვილი არის მსხვერპლი, გინდა ბრმა მსხვერპლი დაარქვით და გინდა შემთხვევითი. რაც სკოლის შემდეგ, არც სკოლის წინ, საერთოდ წარმოდგენა არ ჰქონდა რა ხდებოდა, როგორ ხდებოდა, ამ გზით დადიოდა სახლში და ეტყოდა ჩვეულებრივ წამოვიდა სახლისკენ და შესულია შემთხვევით, ბოლო მომენტში. მე ვფიქრობ, რომ ასეთ ჩხუბში ლევანი ასე ბრმად არ შევიდოდა, ალბათ, ვინმე დაინახა ან ძმაკაცი, ან ნაცნობი.“- განაცხადა ნათია საყვარელიძემ პარლამენტში შექმნილი საგამოძიებო კომისიის სხდომაზე.

საყვარელიძის თქმით, იმის გამო, რომ განცხადებებს არ აკეთებდა, საზოგადოებას დაავიწყდა, რომ ისიც დაზარალებული იყო.

„იმდენი ხანი გასტანა ჩემმა მდუმარებამ, მგონი, ბოლოს ყველას დაავიწყდა, რომ მეც დაზარალებული ვიყავი,“- განაცხადა ნათია საყვარელიძემ.