პოლიტიკა

იმ პირების ავადმყოფური ფანტაზიების კომენტირებას არ ვგეგმავთ, ვისთვისაც ხანძარი მორიგი საბაბია ანტირუსული ინსინუაციებისთვის - რუსეთის საგარეო უწყება

რუსეთის საგარეო საქმეთა მინისტრის ოფიციალური წარმომადგენლის მარია ზახაროვას ინფორმაციით, ქართულმა მხარემ ბორჯომის ხეობაში გაჩენილ ხანძართან დაკავშირებით რუსეთს დახმარება სთხოვა, თუმცა შემდგომ უარი უთხრა.

„მიმდინარე სეზონზე დიდი დატვირტვა მოდის რუს მაშველებზე მთელ რეგიონში : ამასწინათ მათ მიიღეს მონაწილეობა სომხეთში მასშტაბური ტყის ხანძრის ჩაქრობაში, გრძელდება ველის ხანძრებთან ბრძოლა ვოლგოგრადის ოლქში. მიუხედავად ამისა, ჩვენ მყისიერად გამოვეხმაურეთ თბილისის თხოვნას ბორჯომ-ხარაგაულის ნაციონალურ პარკში ხანძრის ჩაქრობასთან დაკავშირებით. ამისთვის გამოიყო რუსული საგანგებო სიტუაციათა სამინისტროს ვერტმფრენი Ил-76. თუმცა შემდგომ ქართულმა მხარემ მადლობა გადაგვიხადა და შეგვატყობინა, რომ ცეცხლის კერები ლოკალიზებულია და ჩვენი დახმარების საჭიროება აღარ დგას“, - წერია რუსული საგარეო უწყების ვებგვერდზე.

ზახაროვამ „ავადმყოფური ფანტაზიები“ უწოდა საქართველოში გაკეთებულ განცხადებებს რუსეთის შესაძლო მონაწილეობაზე ხანძრის განზრახ გაჩენაში.

„გულწრფელად ვუსურვებთ მეზობლებს, რაც შეიძლება მალე მოხდეს ხანძრის ლიკვიდირება. იმ პირების ავადმყოფური ფანტაზიების კომენტირება, ვისთვისაც საკუთარ ქვეყანაში მომხდარი ბუნებრივი კატასტროფა მორიგი საბაბია ანტირუსული ინსინუაციებისთვის, ზედმატად მიგვაჩნია“, - განაცხადა ზახაროვამ.

შეგახსენებთ, ბორჯომის ხეობაში ხანძარი 20 აგვისტოს გაჩნდა. როგორც საქართველოს პრემიერ-მინისტრმა, გიორგი კვირიკაშვილმა განაცხადა, რუსეთმა გამოთქვა სურვილი, საქართველოს დახმრებოდა ტყის ხანძრის ჩაქრობაში. პრემიერის შეფასებით, მოსკოვის მხრიდან მსგავსი წინადადება მისასალმებელია.

ანა მებურიშვილი