პოლიტიკა

იან კელი პოლიტიკურ პარტიებს მოუწოდებს მიიღონ მონაწილეობა არჩევნებში და იყვნენ ჩართული პოლიტიკურ პროცესებში

საქართველოში ამერიკის ელჩი იან კელი ყველა პოლიტიკურ პარტიას მოუწოდებს, საარჩევნო პროცესში მიიღონ მონაწილეობა.

ამის შესახებ ამერიკის ელჩმა მედიას, „რესპუბლიკური პარტიის“ წევრებთან გამართული შეხვედრის შემდეგ განუცხადა.

„მოვუწოდებ ყველა პარტიას, რომელიც მუშაობს უკეთესი მომავლისთვის, მიიღონ მონაწილეობა არჩევნებში და იყვნენ ჩართული პოლიტიკურ პროცესებში. საქართველო არის საპარლამენტო სახელწიფო, შესაბამისად საპარლამენტო სახელმწიფოში აუცილებელია, რომ იყოს ძალიან ბევრი სხვადასხვა პარტია და იყოს პოლიტიკური პლურალიზმი პარლამენტში. შესაბამისად, მე მოვუწოდებ ყველა პარტიას, რომელიც მუშაობს უკეთესი მომავლისთვის, მიიღონ მონაწილეობა არჩევნებში და იყვნენ ჩართული პოლიტიკურ პროცესებში. აი ამასაც შეეხო ჩვენი საუბარი რესპუბლიკურ პარტიასთან“,- აღნიშნა იან კელიმ.

მონიკა დავლიანიძე